"Санат" телеканалында иштеген 23 жаштагы Нуржигит Жаныбековду 12-мартка оогон түнү автоунаа коюп кетип, каза тапты. Окуя Бишкектин Батыш автобекети районунун аймагында болгонун маркумдун кесиптештери “Азаттыкка” маалымдашты. Ал жумуштан үйүнө кайтып баратып жол кырсыгына кабылып, ооруканадан үзүлгөн. Аны коюп кеткен айдоочу кармалып, тергөө иштери башталганын Бишкек шаардык ички иштер башкармалыгы билдирди. Былтыр жыл этегинде НТС телеканалынын операторун да жумуш учурунда автоунаа сүзүп кеткен. (NT)
Бишкекте оператор жол кырсыгынан каза тапты
Нуржигит Жаныбеков. Сүрөт маркумдун Фейсбуктагы баракчасынан алынды.