Элмира Ибраимова Эсеп палатасынын төрайымынын кызматынан бошотулду. Президенттик аппаратынын маалыматтык саясат бөлүмү кабарлагандай, кызматтан кетүү тууралуу арызды Ибраимова 10-мартта өзү жазып, президент Алмазбек Атамбаев тийиштүү жарлыкка кол койду.
Жогорку Кеңеш 2012-жылдын ноябрь айында Элмира Ибраимованы Эсеп палатасына төрайым кылып дайындоого макулдугун берген. Ал мурда вице-премьер-министр, АРИСтин жетекчиси болгон. (SDz)