Казакстандын Борбордук шайлоо комиссиясы 20-марттагы парламенттик шайлоого көз сала турган дагы 37 чет өлкөлүк байкоочуну каттады.
Комиссиянын бүгүнкү билдирүүсүндө 19 киши КМШ миссиясынан, сегизи Шанхай кызматташтык уюмунун, жетөө Түрк тилдүү өлкөлөрдүн ассамблеясынан жана үч байкоочу Украинадан катталганы айтылат. Бардыгы болуп ушуну менен эл аралык уюмдардан 345 байкоочу аккредитация алды. Тышкы иштер министрлиги болсо 28 мамлекеттен 116 журналистти каттады.
Парламенттик шайлоо жергиликтүү шайлоо менен чогуу өткөрүлмөкчү.