Бүгүн АКШнын Кыргызстандагы элчиси Шейла Гуолтни айым Каракол шаарынын жана бир катар жеке эс алуучу жайлардын жетекчилери менен жолугушту. Анда шаардагы каралбай калган жерлерди эс алуучу парктарга айландыруу талкууланды.
Сүйлөшүүдө Каракол шаарынын ортосунан агып өткөн сайдын жээгинен 2 гектар жер бөлүнүп, эс алуучу жай салынары айтылды. Ага кетчү каражаттын бир бөлүгүн жабууга USAID уюму көмөктөшсө, калган бөлүгүнө шаардагы жеке эс алуу жайлардын жетекчилери демөөрчү катары салым кошот. Эс алуу жайы Каракол мэриясынын балансында болот. (AsM)