Бишкектин жаңы мэри болуп Албек Ибраимов шайланды. Анын талапкерлигине шайлоого катышкан 43 депутаттын 42си “макул” деп добуш беришти. Коалициялык көпчүлүктүн лидери Алмаз Кененбаев калаанын жаңы башчысын куттуктап чепкен жаап, калпак кийгизип, камчы тапшырды.
Албек Ибраимовдун талапкерлигин КСДП сунуштап, ал шайлоого жалгыз катышты. Депутаттардын көбү мэрлик жоопкерчиликтүү иш экенин жана шаарды оңдоп, күнү-түнү иштеп берүү каалоосун айтып жатышат. (КЕ)