Жогорку Кеңештеги депутаттык мандатын өткөн жумада тапшырган Бакыт Есенбаеванын ордуна Бакирдин Субанбеков келет. Бүгүн Борбордук шайлоо комиссиясы ушундай чечим чыгарды. Субанбековго депутаттык төш белги жана күбөлүк тапшырылды.
Буга чейин Жогорку Кеӊештин төрагасынын орун басары, “Бир бол” фракциясынын мүчөсү Бакыт Есенбаева 4-февралда өз каалоосу менен депутаттык ыйгарым укуктарын тапшырарын жарыялаган. (SE)