Былтыркы парламенттик шайлоодо “Республика” партиясына кошулган “атажуртчулар” жергиликтүү шайлоолорго өз алдынча катышат. Бул тууралуу “Азаттыкка” партиянын саясий кеңешинин өкүлү Нурлан Шакиев билдирип, мындай сунуш аймактардагы мүчөлөрдөн түшкөнүн маалымдады:
- Жер-жерлердеги активдүү электорат ушундай талап менен Камчыбек Ташиевге кайрылышып, жергиликтүү шайлоолорго “Республика Ата-Журтка” кошулбай, өз алдынча барышыбыз керек деп айтышты. Жетекчилик ойлонуп көрүп, ага макул болдук. Эмки шайлоолорго өзүнчө катышабыз.
Сиздин браузер HTML5 ыкмасын колдобой жатат.
Нурлан Шакиевдин маалыматын бул жерден угуңуз:
Лидери Камчыбек Ташиев саналган “Ата Журт” 2010-жылы түзүлгөн. Былтыркы парламенттик шайлоодо Өмүрбек Бабановдун “Республика” партиясына кошулуп, "Республика Ата-Журт" партиясы түзүлгөн.
“Республика Ата-Журт” азырынча буга комментарий бере элек. (SE)