Аш-тойдогу ысырапкорчулук

Парламенттеги бир нече депутат той-аштардагы ашкере ысырапкорчулукту жоюу тууралуу мыйзам долбоорун жазып, коомчулуктун талкуусуна койду. Мыйзам долбоору мамлекеттик жана муниципалдык кызматчылардын арасында үйлөнүү тойлорун, үй-бүлөлүк салтанаттарды, аза күтүү каада-жөрөлгөлөрүн өткөрүүдө ашыкча ысырапкорчулукту жоюуну көздөйт. Бул демилге буга чейин да өкмөт менен парламентте көтөрүлүп, бирок натыйжа чыкпай келе жаткан. Ошол эле учурда жер-жерлерде элдин, айыл аксакалдарынын демилгеси менен түрдүү каада-салттарда ашыкча чыгымды азайтуу иштери жүрүп келе жаткан.