Москвада тигүүчү цехте чыккан өрттөн улам кыргыз жарандарынын өлүмү боюнча бүгүн өкмөт башчы Темир Сариев Тышкы иштер министрлиги жана Миграция кызматы менен бирге жыйын өткөрдү. Ал каза тапкандардын сөөгүн алып келүү боюнча максималдуу жардам көрсөтүлүшү керектигин белгилеп, бул ишке көзөмөл жүргүзүүнү Тышкы иштер министрлигине тапшырды. Мындан тышкары тийиштүү органдарга каза тапкандардын жакындарына медициналык-психологиялык жардам берүү жагын колго алуу тапшырмасы берилди.
Москвадагы тигүүчү цехтен чыккан өрттөн 8 кыргыз жараны каза болду. Алар негизинен Баткен облусунун тургундары болуп саналат. (AzK)