Бул тууралуу 30-декабрда Жогорку Кеңеште Акыйкатчыны шайлоо мезгилинде мыйзам бузуулар болгон деп, сотко кайрылган Рита Карасартова 28-январда билдирди. Бишкектеги райондор аралык сот арызды кароого 28-январда киришип, ишти кароону 2-февралда улантарын Карасартова белгиледи:
- Бүгүн Жогорку Кеңеш шайлоо болгон күндөгү стенограмманы алып келди. Биз аны карап, жашыруун добуш берүү бузулганын кайсы жерде экенин көрсөтүү үчүн тыныгуу алдык.
30-декабрда Жогорку Кеңеш акыйкатчы кызматына Кубат Оторбаевди шайлаган. Акыйкатчылыкка талапкерлердин бири Рита Карасартова шайлоо учурунда добуш берүүнүн жашыруундугу бузулган деп сотко кайрылган. (AiT)