Каттала элек уюлдук байланыш абоненттери беш күндөн кийин өчүрүлөт. Бул тууралуу мамлекеттик байланыш кызматы эскертти. 2016-жылдын 18-январына карата республика боюнча 7 814 743 көчмө байланыш абоненти катталган. Алардын ичинен 7 490134 абонент персонификациялоо процедурасынан өтүшкөн, бул 95,85 пайызды түзөт.
Байланыш мыйзамына киргизилген өзгөртүүлөргө ылайык, 16 жашка толгон ар бир абоненттин сим-картасын каттоо милдеттендирилген. Катталбаган сим-карталарды өчүрүү мөөнөтү буга чейин бир канча ирет артка жылдырылган болчу. (UEz)