Нарын облусунан 10 киши диний билим алууга башка өлкөлөргө чыгып кеткени такталды. Бул тууралуу Нарын облустук Ички иштер башкармалыгынын 10-бөлүмүнүн башчысы Руслан Осмоналиев билдирди. Дин үйрөнүүгө кеткендердин көбү Бангладеш жана Түркия мамлекеттеринде.
Былтыр Бангладешке кеткендер арасынан алты киши кайра келген. Алар милициянын көзөмөлүндө.
Нарын облусунда эки диний медресе бар. Алардын бири Нарын шаарында эркектерге, экинчиси Кочкор районунда кыздарга билим берет. (MiK)