Бул келишим Украинаны Европа Биримдигинин аймагына товарларын пошлинасыз, же бажы салыгысыз чыгарууга жол ачат. 2014-жылдын июнунда кол коюлган бул документ Евробиримдик менен ассоциация келишиминин бир чоң бөлүгү.
Еврокомиссиянын 31-декабрдагы билдирүүсүнө караганда, келишим украин экономикасын модернизациялоо менен диверсификациялоого жана реформаларды жүргүзүүгө кошумча стимул түзүүгө түрткү берет.
Эми мурда Орусияга көбүрөөк ыктаган украин рыногу Евробиримдиктин чен-өлчөмдөрүн кабыл алууга тийиш.
Эркин соода боюнча бул келишим Киев менен Москва ортосундагы алалкалардын кескин бузулушуна алып келген. Буга жооп иретинде Орусия да Украина менен 2011-жылы түзүлгөн эркин соода келишиминен баш тарткан. Орус тараптын бул боюнча мыйзамдары да бүгүндөн тарта күчүнө кирди.
Ага жооп катары украин бийликтери да Орусияга карата соода санкцияларын киргизген.