Акыркы төрт жылда Кыргызстан сырттан 4 млрд. доллар грант алды. Бул тууралуу жылдык жыйынтыктоочу маалымат жыйынында президент Алмазбек Атамбаев билдирди.
“Бизге ушул жылдар ичинде башка өлкөлөр олуттуу жардам көрсөтүштү. 300 млрд. сомдук жардам алдык. Эми 2017-жылы каржылык көз карандысыздыкка жетүү - башкы максатыбыз болууда. Бул оңой эмес, бирок, биз ушул багытта ишибизди уланта беребиз”, деди Атамбаев.
Мамлекеттик Ала-Арча резиденциясында ушул тапта президент Алмазбек Атамбаев жыл ичиндеги иштери тууралуу маалымат берүүдө. Ага чет элдик жана жергиликтүү маалымдоо каражаттарынан 140 журналист чакырылган. (KE/MTo)