ЖККУнун маалымат сайтынан кабарлашкандай, 21-декабрда Кремлде Жаматтык коопсуздук келишими уюмуна кирген мамлекеттердин президенттеринин саммити өтөт. Анда мамлекет башчылары дүйнөлүк коопсуздук маселеси жана аны чечүүнүн жолдорун талкуулашат. Жыйын соңунда эл аралык терроризмге каршы туруу боюнча билдирүү кабыл алынат.
Кыргызстандын тышкы иштер министрлигинен алынган маалымат боюнча, Москвадагы жыйынга президент Алмазбек Атамбаев дагы катышат. Москвада ошондой эле Жамааттык коопсуздук келишими уюмуна кирген мамлекеттердин тышкы иштер министрлеринин жыйыны дагы болот. (AiT)