Бул тууралуу "Азаттыкка" Өзгөчө кырдаалдар министрлигинин басма сөз кызматы билдирди. Маалыматка караганда, жалпысынан аймакка жеткирилген 89 темир көчмө үйгө 126 үй-бүлө жайгаштырылды. Дагы алтымышка чукул үй-бүлө чатырларда жана туугандарынын үйлөрүндө баш калкалап жатышат.
17-ноябрдагы күчү 7 баллга жакын жер титирөөдөн кийин Оштун Кара-Суу районундагы Кызыл-Суу айыл аймагында 172 үй жараксыз деп табылган. Силкинүүнүн очогу Чайчы кыштагында болгон. (AzK)