“О” бренди менен кызмат көрсөткөн “Нур Телеком” ишканасынын сатуу иштери боюнча директору Филипп Еремеев Ысык-Көл облусунда кар көчкүдө калып, каза болду.
Кырсык 12-декабрда болгонун аталган компаниядан “Азаттыкка” билдиришти. Маалыматка караганда, топ-менеджер үч досу менен Ак-Суу капчыгайына эс алганы барган кезде кырсыкка кабылган. Филипп менен чогуу жүргөндөр аман калышкан.
Маркумдун сөөгүн Бишкекке алып келишти. Коштошуу зыйнаты 15-декабрда Спорт ордосунда өтөт. (SE)