Бүгүн Жогорку Кеңеш Коомдук каналдын байкоочу кеңешинин бош орундарына талапкерлерди шайлады. Көпчүлүк добуш менен президент сунуштаган профессор Назаркул Ишекеев, Жарандык коом сунуштаган Улуттук университеттин журналистика факультетинин мурдагы деканы Абдыганы Халилов, Бишкек гуманитардык университетинин профессору, “Азаттыктын” мурдагы журналистти Бүбүкан Досалиева шайланды. Ал эми Кыргыз кинематографисттер союзунун мүчөсү Уланбек Бектеналиевге депутаттардын 54ү добуш берип, өтпөй калды.
Эл өкүлдөрү жаңы шайланган кеңеш мүчөлөрүн калыс болууга чакырып, алар Коомдук каналдын өнүгүшүнө салым кошот деп ишенишерин билдиришти. (КЕ)