Бул тууралуу Жогорку Кеңештеги “Республика Ата Журт” фракциясынын лидери Өмүрбек Бабанов бүгүн парламент жыйынында билдирди. Ал фракция оппозицияда каларын, бирок азчылык дебей өз убагында сөз берилет деп ишенерин билдирди.
-Азыр 2007-жыл эсиме түшүп жатат. Анда “Ак жол” партиясы көпчүлүктү түзүп, социал-демократтар оппозицияда болуп атат. Азыр “Бир бол” менен “Республика Ата Журт” оппозицияда калып атат. Биздин кызыкчылыгыбыз Кыргызстанды оңдоо. Оппозицияда болсок да кол тийбестигибизден баш тартып жатабыз. Эгер бул колдоого алынса чоң тарыхый чечим болот.
2-ноябрда Жогорку Кеңеште төрт фракциядан турган көпчүлүк коалиция түзүлгөн. Ага КСДП, “Кыргызстан”, “Өнүгүү-Прогресс” жана “Ата Мекен” кирген. (КЕ)