Кыргызстандыктар тандоосун эркин билдире алды. Бул тууралуу бүгүн, 5-октябрда Бишкекте өткөн маалымат жыйынында Шанхай кызматташтык уюмунун байкоочулар тобунун жетекчиси Сабыр Имандосов билдирди. ШКУнун байкоочулары техникалык мүчүлүштүктөр гана болбосо, шайлоонун демократиялуу өткөндүгүн белгилешти. Алар участкалык комиссиялардын жакшы даярдыктан өткөндүгүн кошумчалашты. Байкоочулар Бишкек шаарындагы жана Чүй облусундагы добушканаларда көзөмөл жүргүзүшкөн.
4-октябрда өткөн парламенттик шайлоого 600дөн ашуун эл аралык, 2,5 миңдей жергиликтүү байкоочу көз салды. (КЕ/JM)