Бүгүн өкмөт башчы Темир Сариев Ысык-Көлдө 14 жаштагы майып кызды сактайм деп курман болгон Памир Исмаевдин үйүнө барып, анын жакындарына өкмөттөн бөлүнгөн 100 миң сомду тапшырды. Ошондой эле өз чөнтөгүнөн да каражат бергенин “Азаттыкка” премьердин басма сөз кызматы кабарлады.
Быйыл 17-августта Ысык-Көлдүн жээгинде майып кыз сууга чөгүп жатканын көрүп, Бишкек шаарынын 29 жаштагы тургуну Памир Исмаев жардам берүүгө шашылган. Чөгүп бараткан кызды куткарган жигит өзү суудан чыга албай, каза болгон. (SE)