Казат Акматов: КДКны кантип түптөдүк?

Кыргыз эл жазуучусу, Токтогул атындагы мамлекеттик сыйлыктын ээси, айтылуу көркөм сөз чебери, легендарлуу парламенттин депутаты, мамлекеттик ишмер Казат Акматов 14-сентябрда 74 жаш курагында дүйнө салды. Жазуучу элине “Күндү айланган жылдар”, “Мезгил”, “Архат”, "Боз чымчык", “Мунабия” өңдүү баа жеткис адабий мурастарды калды. Демократиялык коомду калыптандырууга кошкон салымы Кыргызстандын тарыхына жазылды. Дал ошол токсонунчу жылдардын башында өзү башында туруп Кыргызстан демократиялык кыймылы кантип түзүлгөндүгү тууралуу бул маекте сөз болот. Маек 2014-жылы 11-июнда эл жазуучусунун өз үйүндө жазылган.