Ушу тапта Беларустун Гродно шаарында Евразия экономикалык биримдигине кирген өлкөлөрдүн премьер-министрлеринин жыйыны өтүп жатат. "Азаттыктын" кабарчысынын маалымдашынча, ага Армения, Беларус, Кыргызстан, Орусиянын премьер-министрлери Овик Абраамян, Андрей Кобяков, Темир Сариев, Дмитрий Медведев жана Казакстандын вице-премьери Бакытжан Сагинтаев катышууда.
Алгач Беларус, Казакстан жана Орусиянын Бажы биримдиги катары негизделген уюм кийин кеңейип, Евразия экономикалык биримдиги болуп кайра түзүлгөн. Кыргызстан ага быйыл 12-августта толук укуктуу мүчө болуп кирди.
Бүгүнкү жыйында премьер-министрлер уюмдун алкагында саясий-экономикалык интеграцияны тереңдетүү маселелерин талкуулашат. (RK)