Президент Алмазбек Атамбаев бүгүн Бишкектеги Каниметов атындагы №1 гимназия-интернатка барган учурда борбор калаанын абалын оңдоо талабын койду. Ал шаар тургундарынын нааразылыгын айтып, эгер шаар мэри Кубанычбек Кулматов тартип менен тазалыкты орното албаса башка жумуш издөөнү сунуштады.
“Эгер 2015-жылдын соңуна чейин таштандылар маселесин чечпесеңиз, шаарды тартипке салбасаңыз, Кубанычбек Кеңешович өзүңүздүн күчүңүз жеткен башка жумуш издөөгө туура келет”, - деди Атамбаев.
Кубанычбек Кулматов 1,5 жылга жакын убактан бери Бишкектин мэри болуп иштеп келатат. Азыр шаарда башаламан курулуштар, жол, тазалык жана жашылдандыруу боюнча маселе көп. (КЕ)