Өзбекстанда эгемендик майрамы арапасында аңчыларга тез аранын ичинде милицияга куралдарды убактылуу тапшыруу буйругу берилди. Өз ыктыяры менен бербегендерге чара көрүлөрү эскертилди. Ыктыярдуу түрдө тапшырылган куралдар 5-сентябрда кайра ээлерине берилет. Расмийлер бул кадам эгемендик майрамы учурунда коопсуздук чараларын күчөтүүнүн бир бөлүгү экенин билдиришти.
Ушул күндөрү өлкөдө аңчылык менен алектенгендердин үйлөрү текшерилип жатат.
Ал эми мекеме-уюмдардын балансындагы ок атуучу куралдарды, спорттук тапанчаларды майрам күндөрү сейфте сактоо боюнча буйрук чыгарылды.
Өзбекстанда эгемендик күнү 1-сентябрда белгиленет. Жыл сайын майрам арапасында бийлик коопсуздук чараларын күчөтөт. (SE)