27-августта Кыргызстандын Евразия экономикалык биримдикке киргенден кийинки көйгөйлөрү, анын себептери, биримдиктин негизги эреже-шарттары тууралуу журналисттерге тийиштүү мекеме жетекчилери маалымат беришет. Жыйынга бир катар ишкердик уюмдардын өкүлдөрү да чакырылган.
Кыргызстан ЕАЭБге толугу менен 12-августта кирген. Чек арадагы бажы бекеттери алынганы менен, Казакстан, Орусияга товар алып өтүү мурдагыдай эле оор бойдон калып жатканына нааразылыктар күчөөдө. Кытайдан товар алып келе жаткан 200-300 чамалуу автоунаа Торугарт жана Эркеч-Там бажы бекеттеринде Кыргызстанга киргизилбей атканын айтып, жүк ташуучулар өкмөт башчыга кайрылышкан.
Ошондой эле Кыргызстандын эти жана сүт азыктары үчүн азырынча ЕАЭБ базары жабык. (ZKo)