Шаршембиде Нью-Йорктогу биржада мунай кескин арзандап, 6 жылдан берки эң төмөнкү чекке жетти.
Учурда Түштүк Техас мунайынын 1 баррели 40,8 доллардан сатылууда. Citigroup корпорациясынын талдоочулары баа дагы түшүп, 1 баррель 32 долларга чейин жетишин болжолдошууда.
Талдоочулар мунун себебин кампаларда мунай күтүлбөгөн өлчөмдө көбөйүп кеткендигине байланыштырышат.
АКШ кара майы июндан бери 30 % арзандады. Ошол эле убакта Жакынкы Чыгыш менен Африка мунай өндүрүшүн токтотпой келет.