Жогорку Кеңештин соңку чакырылышындагы депутаттардын ичинен 14үнө кылмыш иши козголгон. Алардын сап башында “Ата-Журт” фракциясынын өкүлдөрү турат. Тагыраак айтканда, 8 “атажуртчу” мыйзам бузганы үчүн сурак берип, айрымдары соттолгон. “Республика” фракциясынын 4, “Ар-Намыстын” 2 депутатынын аты-жөнү күч органдарынын кылмыш каттоочу дептерине жазылган. Бул тууралуу Башкы прокуратурадан кабарлашты. Алардын төртөө мандатынан ажыратылса, калгандырынын иши тергелип бүтө элек. Айрымдарынын иши кыскартылган.
Азыркы Жогорку Кеңештин курамы 2010-жылы шайланган. Быйыл күздө мөөнөтү аяктайт. "Азаттык" 20-июль күнү “Ыңгайсыз суроолор” телеберүүсү аркылуу парламенттеги беш фракциянын ишмердигине арналган атайын иликтөөнү сунуштайт. (SE)