Улуттук коопсуздук боюнча мамлекеттик кызматы Бишкекте ушул тапта эл аралык террордук топтун өкүлдөрүн кармоо боюнча атайын операция жүргүзүп жатат. Атайын кызматтан кабарлашкандай, куралдуу топтун эки өкүлү жок кылынды. Калгандары каршылык көрсөтүүнү улантууда. Жай тургундар арасында курмандыктарга жол бербөө үчүн коопсуздук чаралары күчөтүлдү.
Окуя баш калаанын Горький жана Панфилов көчөлөрү кесилишкен жерде болуп жатат. Атышуу кечки саат 6:30дарда башталганын күбөлөр кабарлашты. Учурда бир үй өрттөлүүдө. (SE)