Расмий Ашхабад Орусиянын өкмөттүк “Газпром” компаниясын жыл башынан бери газ акысын төлөбөдү деп күнөөлөдү. Түркмөнстандын мунай жана газ министрлиги 8-июлдагы билдирүүсүндө анын себебин “дүйнөлүк кризистин уланып жатканы жана батыш өлкөлөрү Орусияга каршы киргизген экономикалык санкцияларга байланыштуу” деп түшүндүрдү.
“Гапзпром” окуяга түшүндүрмө бере элек. Акыркы жылдары “Газпром” жылына Түркмөнстандан 10-11 миллиард куб метр көгүлтүр отун сатып алып жатты. Түркмөнстан азыр Кытайдын эң чоң газ камсыздоочусу.