Бостондогу сот өкүмүн угузуп жатып, сот Жорж О'Туул Жохар Царнаевди өлүм жазасына өкүм кылуу үчүн далил жетишерлик болгонун билдирди.
АКШда 24-июнда болгон сот жараянында Жохар Царнаев өзүнүн курмандыктарынан кечирим сурады. Ал өзү жанын кыйган "өмүрлөр үчүн, келтирген жоготуулары, кайгы-капалыктары үчүн” кечирим сурады.
21 жаштагы студент буга чейинки сот жараяндарында кечирим суроо жаатында эч үн катпай келген.
2013-жылы 15-апрелде тынч спортчулардын Бостон марафону учурунда бир тууган Тамерлан жана Жохар Царнаевдер орноткон бомбадан үч киши өлүп, 264 адам жаракат алган. 17 киши колу-буттарынан ажырашкан.
Царнаевдер Кыргызстандын Токмок шаарынан оболу Дагестанга көчүп кетишкен, акыры АКШда баш паана табышкан. Жохардын атасы Анзордун теги чечен, энеси Зубейдаттын теги авар.