Украина президенти Петро Порошенко 5-июнда журналисттерге сүйлөп жатып Крымды кайра кайтарабыз деп билдирди. Анын айтымында, украин бийлиги бул үчүн колдон келген мүмкүнчүлүктүн баарын колдонот.
Ал эл аралык өнөктөштөрүн Орусияга каршы санкцияларды сактап калууга чакырарын кошумчалады. Порошенко 4-июнда парламенттеги баяндамасында өлкө чыгышында жикчилдер тарабынан ири масштабдуу кол салуулар болот деп эскерткен.
2014-жылдын мартында Орусия Крымды аннексиялап алган. Апрелден бери украин аскерлери менен орусиялык жикчилдер ортосундагы кармаштан 6400гө жакын адам каза болду.
