Расмий Бээжин 26-майда жарыялаган документте Кытайдын деңиз күчтөрү “жээктен алыстагы сууларды” эмес, “ачык деңиздерди” коргоого көңүл бурары айтылат. Ошондой эле коңшу өлкөлөр “Түштүк Кытай деңизинин ишине кийлигишип, бузуку кадамдарга барууда” деп сындалат. Доктринада Кытай аба күчтөрү өлкөнүн аба мейкиндигин коргоодон тышкары чабуул жана коргонуу жөндөмүн чыңдоого өтөрү да шарданаланат. Өлкөнүн өкмөттүк медиасынын кабарлашынча, талаштуу Спратли аралдарында эки маяк курулат. Бээжиндин Түштүк Кытай деңизине ээ болуу аракети Вашингтондун тынчсыздануусун жараткан.
Кытай деңиз мейкиндигин коргоо стратегиясын жарыялады
Кытайдын геологиялык бургулоочу кемелери талаштуу Спратли аралындагы Оттуу крест рифинин тегерегинде сүзүп жүрөт. 21-май 2015