Ошто жоолукчандар эмдөөдөн өттү

Буга чейин Ош шаарында жана облусунда 1500дөй ата-эне диний түшүнүктөн улам кызамыкка каршы эмдөөдөн баш тартышкан эле. Бирко түшүндүрүү иштеринен улам алардын дээрлик баары ийге келип, балдарын эмдөө кылышты.

Буга чейин айрым кыз-келиндер жана аялдар арасында эмдөө боюнча түшүнбөстүктөр болуп келген. Дарыгерлер буга чейин аймактагы молдолорду жана диниятчыларды да кызамыкка каршы эмдөө боюнча окуткан. 

Кызылча жана кызамыкка каршы эмдөө кампаниясынын экинчи айлампасында Ош облусунун 489 миң 817 жана Ош шаарынан 108 926 адам эмдөөдөн өтөт. Ушу күндөрү пландалгандар Ош шаарынан 75%, Ош облусунан 60% эмдөө алды.

Башка аймактар сыяктуу эле Ошто да 12-майдан 24-майга чейин кызылча жана кызамыкка каршы эмдөө кампаниясынын экинчи этабы жүрүп жатат.

Кызамык – жугуштуу оору. Анда эт ысып, жөтөлүп, мурун бүтүп, үн каргылданат, көздүн, ооздун былжыр чели сезгенип, териге кызыл бүдүрлөр чыгат. Кызылчаны вирус козгойт.