Казакстандын Атырау шаарында соңку жылдардагы эң күчтүү нөшөрлүү жаандан улам ондогон үй-бүлө жабыркады. 500дөн ашуун адам коопсуз аймактарга көчүрүлдү.
12-май күнкү жамгырдан жүздөгөн турак-үйлөргө суу толгон. Синоптиктер муну үч айлык нормадагы жаан катары сыпаттоодо. Анын кесепетин жоюуга жүздөгөн адамдар жана бир канча техника тартылган. Куткаруу жана байланыш кызматтары элге көмөк көрсөтүүгө жетишпей жатканын жазат жергиликтүү булактар.
Шаар бийлигинен каржылык жардам сураган адамдардан миңге жакын арыз түштү. (SE)