Дүйнөлүк саламаттыкты сактоо уюму дарыгерлерди Непалга барып ыктыярдуу кызмат өтөөгө чакырууда. Катуу зилзаладан кийин бул өлкөдө азыр ич өткөк, кызамык сыяктуу жугуштуу ооруларга чалдыккандар арбып жатканы байкалды. Эл арасындагы ич өткөк оорусунун алдын алуу үчүн Непалга аталган уюмдан адистер жана дары-дармек жиберилүүдө. Жугуштуу оорулар баш калаа Катмандуда көп катталып жатат. Дүйнөлүк Саламаттыкты сактоо уюму эл аралык коомчулуктан үй-жайсыз ачык асман алдындагы лагерлерде жашап жаткан 2,8 миллион эл үчүн таза суу, дары-дармек жардамын берүүсүн суранууда. (BCh)
