Жогорку Кеңеш көпчүлүк коалиция премьер-министрликке сунуштаган Темир Сариевдин талапкерлигин карап жатат. Учурда Сариев депутаттарга өз программасын айтууда. Сариевдин айтымында, күздөгү парламенттик шайлоого чейин өкмөттүн түзүмү жана курамы өзгөртүлбөйт. Ошондой эле өлкөдөгү саясий туруктуулукту сактоо үчүн тең салмактуу жана объективдүү позицияны кармана турганын билдирди.
Сариев дүйнөдөгү кырдаалды эске алуу менен коопсуздукка өзгөчө көңүл буруларын жана чек араны бекемдөө улантыларын убада кылды.
Экономика министринин милдетин аткаруучу Темир Сариевдин талапкерлигин Социал-демократтар, “Ата Мекен” жана “Ар-намыс” фракциялары түзгөн көпчүлүк коалиция сунуштаган. (BkA)