Орусияда президент Путиндин жалгыз сынчысы Алексей Навальныйдын партиясынын каттоосу токтотулду. Юстиция министрлигинин 28-апрелде маалымдашынча, "Прогресс" партиясы өлкөнүн теңине жакын бөлүгүндө каттоо талабын аткарган эмес. Бул партия 2016-жылкы парламенттик шайлоого маркум Немцов негиздеген РПР-Парнас партиясы менен чогуу катышалы деп макулдашкан эле . “Албетте, бул биздин демократиялык коалиция түзүүбүзгө берлиген жооп болду,” - деп жазды Навальный өз сайтында.
Борис Немцов 27-февралда Кремлдин чет жакасында көңүлдөш кызы менен баратканда атып өлтүрүлгөн. Оппозиция Немцовдун өлүмү үчүн жоопкерчиликти президент Путинге жүктөгөн.