Литванын чек ара кызматынын маалымат катчысы Гиед Риус Мису Тис билдиргендей, минген унаалары жолдо коопсуз жүрө алаарын далилдеген документтери болбогондуктан, үч мотоциклист Беларус чек арасынан кайра артка кайтарылды. Мису Тис бул үчөө «Түнкү бөрүлөр» деп аталган орус улутчулдарынын мүчөсү экендигин бышыктады. Алар Польша, Словакия, Венгрия, Австрия, Чех жумурияты аркылуу алты миң чакырым жүрүп, Жеңиш күнүн Берлинде тосууну пландашкан.
Польша президент Путин менен байланышы бар бул топтон 10 кишини кечээ да киргизбей койгон. 20 кишиден турган топтун мүчөсү Павел Веткиндин айтымында, Польшанын чек арачылары аларга түшүндүрмө берген жок. Веткиндин өзүндө Польшанын элчилиги берген Шенген визасы болгон.