Бүгүн Бишкекте белгилүү коомдук жана саясий ишмер, дипломат Ишенбай Абдуразаковдун элесине арналган жыйын болот. Иш-чара “Абдуразаков –ойчул, дипломат, адам” деп аталат. Анда Ишенбай Абдуразаковдун Кыргызстандын эгемендүүлүгүнүн калыптанышына, өлкөнүн өнүгүшүнө кошкон салымы тууралуу кеп болот.
Белгилүү мамлекеттик ишмер, дасыккан дипломат, кыргыз элинин чыгаан уулдарынын бири Ишенбай Абдуразаков өткөн жылы 24-апрелге караган түнү, 77 жаш курагында көз жумган.(ZKo)