Караганда облусундагы суу ташкынынан улам миңден ашуун тургун коопсуз аймактарга көчүрүлдү. Ондогон айылдар суу каптоо коркунучунда турат. Республикалык маанидеги Караганда-Аягоз-Бугаз унаа жолунун үч жерин суу жууп кетти. Тилсиз жоодон улам Семей-Кайнар жолундагы эки көпүрө бузулган.
14-апрелден берки жаан-чачындан улам көтөрүлгөн суунун деңгээли 15-апрелде түштө кийин бир аз басаңдаганын Өзгөчө кырдаалдар министрлигине таянып, жергиликтүү маалымат булактары кабарлады.
Каза тапкандар, денесинен жабыркагандар жана дайынсыз жоголгондор каттала элек.(SE)