Мамлекеттик чек ара кызматынан кабарлашкандай, 1-апрелде Баткен чек ара отрядынын чек арачылары аткезчилик жүк алып өтүп бараткан кыргызстандык жаранды кармашты.
Hyundai Porte автоунаасын башкарып бараткан жаран Баткен районунун Күңгөй-Таш аймагында Өзбекстандан Кыргызстанга 2 тонна бадыраң алып өтүүгө аракет кылган. Анын жанында уруксат берген документтери болгон эмес. Аткезчилик жүктүн баасы 300 миң сомду түзөт.
Аталган жаран жүгү менен Мамлекеттик бажы кызматына өткөрүлүп берилди. (AzK)