Өлкө башчысы Алмазбек Атамбаевдин Молдовага жасаган бейрасмий сапары туурасында президенттик аппараттын тышкы саясат боюнча бөлүмүнүн башчысы Сапар Исаков жооп берди. Ал тараткан маалыматта мамлекет башчынын Кишиневдогу жолугушуусу тууралуу айтуу азырынча эрте экени, бирок кандай гана болбосун бул Кыргызстандын кызыкчылыгы үчүн жасалганы белгиленген.
Молдованын басылмалары Алмазбек Атамбаев 16-мартта Орусия сапарынын алдында Кишиневго токтоп, Молдова Демократиялык партиясынын төрагасынын биринчи орун басары Влад Плахотнюк менен жолугушуп кеткенин жазып чыгышкан. Бул кабарды бүгүн жергиликтүү маалымат каражаттары да Молдова басылмаларына таянуу менен жазып чыгышты. (КЕ)