Майдандан кайтпаган бир туугандар

Молдокан Бримкулов - 1906-жылы Токтогулда төрөлгөн. Ташкенттен техникумду бүтүрүп, Токтогул районунда финансы бөлүмүндө иштеген (анын жетекчиси да болгон болушу мүмкүн деген мааалыматтар бар).
Токтогулда иштеп турган кезинде, 1943-жылы аскерге чакырылган. Согушта өзгөчө батальондо кызмат өтөгөн.

Молдокан Биримкулов согушка чейин

Сүрөттө Молдокан Бримкулов үчүнчү катарда солдон бешинчи. Сүрөт Украинада же Беларуста тартылган деген божомол бар. Сүрөттө "Искра айылы, 1944-жыл, май" деп гана кыска гана маалымат көрсөтүлгөн. 

Согушта Бримкулов өзгөчө байланыш батальонунда кызмат өтөгөн. 

Молдокан Бримкулов согушта артыкчылык менен кызмат өтөгөнүн майдандагы жетекчилеринин Кыргызстандагы туугандарына жөнөткөн ыраазычылык каттары күбөлөп турат.

Бул Молдокан Бримкуловдун Кыргызстандагы бир тууганы Нургазынын атына келген ыраазычылык кат:
Здравствуйте дорогой товарищ Нургазы !
В день Первого мая наше подразделение посылает Вам пламенный боевой привет.
Несколько слов о вашем брате Молдахане. В короткий срок Молдахан овладел русским языком и техникой, стал полноценным воином нашей родной красной Армии. В своей повседневной работе он помогает своим товарищам в освоении техники, ведет большую воспитательную работу среди бойцов, является лучшим редактором боевого листка. Партийная организация как лучшего воина, приняла Молдахана кандидатом в члены ВКП(б). В день 1 мая командир части объявил ему благодарность. Мы уверены, что в грядущих боях он оправдает доверие партии.
Да здравствует дружба народов СССР.
Да здравствует маршал Сталин.
По поручению .(неразборчиво). политрук Агеев

Молдокан Бримкулов 1945-жылы 9-апрелде, жеңишке бир ай калганда курман болот. Бул анын курман болгондугу жөнүндө маалымдаган кара кагаз. 

Молдокан Бримкуловдун эки иниси да - Байтүгөл менен Кеңеш согушка кетип кайтпай калган. Байтүгөл жана Кеңеш Бримкуловдор кан майданга жаш убагында кетишкендиктен артында балдары калган эмес. Кеңеш 1943-жылы 5-мартта, ал эми Байтүгөл ушул эле жылы 30-августта курман болгон.
Молдокан, Байтүгөл жана Кеңештин ата-энесинин бардыгы төрт уулу болгон. Алардын бир тууганы Нургазы Бримкулов да согушка чакырылып, бирок мугалим катары брону болгондуктан барган эмес. Нургазы Бримкулов Жалал-Абад педагогикалык училищесин 1930-жылдары акын, жазуучу Жоомарт Бөкөнбаев, Темиркул Үметалиев, Кусейин Карасаевдер менен бирге бүткөн.
(Бримкуловдор тууралуу маалыматтар жана сүрөттөр Нургазы Бримкуловдун уулу, профессор Улан Бримкуловун жеке архивинен алынды).   

Кеңеш Бримкуловдун окуп жүргөндөгү мүчөлүк билети

Кеңеш Бримкулов  Жалал-Абаддагы педучилищеде окуп атканда согушка чакырылган. Бул анын окуу жайдагы дептери. 1940-жыл

Кеңеш Бримкуловдун дептери

12Кеңеш Бримкулов согушка кеткенге чейин

Кеңеш Бримкулов 1943-жылы 5-мартта курман болгон. Анын курман болгондугу тууралуу кара кагаз

Бул болсо Байтүгөл Бримкуловдун согушта жүрүп агасы Молдокан Бримкуловго жазган каты. Бул кезде агасы Молдокан али кан майданга кете элек болгон.  

Байтүгөл Бримкуловдун каты

Бул катты болсо Байтүгөл Бримкулов мекендеги агасы Нургазы Бримкуловдун атына жөнөткөн экен. 

Байтүгөл бул катты латын ариби менен жазган сыяктанат.

Байтүгөл Бримкулов 1943-жылы 30-августта курман болгон. Бул анын өлгөндүгүн тастыктаган кара кагаз.
(Бримкуловдор тууралуу маалыматтар жана сүрөттөр Нургазы Бримкуловдун уулу, профессор Улан Бримкуловун жеке архивинен алынды).