Кыргыз Республикасынын илимине эмгек сиңирген ишмер Рахат Ачылованын кайтыш болгондугуна байланыштуу анын үй-бүлөсүнө материалдык жардам көрсөтүү үчүн Президенттик социалдык коргоо жана колдоо фондунан 50 000 сом бөлүндү. Тиешелүү буйрукка президент Алмазбек Атамбаев бүгүн кол койду. Бул тууралуу Президенттин аппаратынын маалыматтык саясат бөлүмү кабарлайт.
Окумуштуу философ, Жогорку Кеңештин мурдагы депутаты Рахат Ачылова 5-мартта 73 жашында жүрөк оорусунан көз жумган. (ZMa)