Бүгүн таңга жуук Москва-Ош каттамындагы учак менен 18-февралда Беларуста өлтүрүлгөн Алманбет Анапияевдин сөөгү алып келинди. Туугандары сөөктү түз эле кичи мекени Чоң-Алайдын Жекенди айлына алып кетишти. Бул маалыматты Ош облустук ИИБнын басма сөз кызматы тастыктады. Айрым маалыматтар боюнча Анапияевдин сөөгү бүгүн жерге берилет.
18-февралда Беларустун борбору Минск шаарында Алманбет Анапияев киши колдуу болгон. Киши колдуу болгон адамдын сөөгү Алманбет Анапияевге таандык экенин маркумдун туугандары тастыкташкан. Алмамбет Анапияев бир топ оор кылмыштарга шектелип, 2011-жылдан бери Интерпол аркылуу издөөгө алынган эле.(ZKo)