Дүйнөлүк саламаттыкты сактоо уюму кызамыкка каршы эмдөөлөр Европа жана Борбор Азияда токтоосуз жапырт жүргүзүлүшү керектигин билдирди. Уюмдун Европа боюнча бөлүм башчысы Жужанна Якаб 25- февралда жасаган билдирүүдө 2014-жылдын башынан бери дүйнө жүзү боюнча 22 миң адам кызамык илдетин жугузуп алганы айтылат. Статистикалык маалыматтарга ылайык, алардын эң көбү Кыргызстанда катталган. Өлкө боюнча жугуштуу оору менен жабыркагандардын саны-7477 ге жеткен.
Босния жана Герцеговинада-5340, Орусияда-3247, Италияда-1674, Германияды-583, ал эми Казакстанда 537 адам кызамык оорусу менен катталган.
Жакында эле Германияда эмделбеген 18 айлык наристенин кызамыктан чарчап калышы өлкөдө ызы-чуу жаратты. Дүйнөлүк саламаттыкты сактоо уюмунун билдиргенине караганда, “эмдөөгө каршы” ата-энелердин саны күндөн-күнгө өсүүдө.