Бүгүн Москвада Кыргызстандын Евразия экономикалык биримдигине кирүү жараянын талкуулаган жумуш тобунун кезектеги жыйыны өтүүдө. Ага Кыргызстандан экономика министринин орун басары Данил Ибраев баштаган өкмөттүк делегация катышууда.
Эртең, 25-февралда кыргыз делегациясы Кыргызстандын ЕАЭБ уюмуна мүчө болуп жатканына байланыштуу Дүйнөлүк соода уюмундагы милдеттенмелерин өзгөртүү боюнча маалымдаманын долбоорун иштеп чыга турган жыйынга катышат.
Кыргызстан быйыл жыл башында Орусия, Беларус жана Казакстан мүчө болгон Евразия экономикалык биримдигине кошулду. (RK)