"Кумтөр" долбоорунун ишине байланыштуу Жогорку Кеңештин токтому кантип аткарылып жатканы тууралуу өкмөттүн маалыматын депутаттар 26-февралда укмай болду. Мындай чечим кечээ Жогорку Кеңештин Координациялык кеңешинин отурумунда кабыл алынды.
Мунун алдында "Кумтөр" долбоору боюнча февралдын соңуна чейин чечим кабыл алынбаса, Жогорку Кеңештеги "Республика" фракциясы өкмөттүн отставкасын талап кыларын "Азаттыкка" аталган фракциянын төрагасы Курманбек Дыйканбаев билдирген. (ZMa)