"Батукаев боюнча кылмыш иш бир жылдан бери УКМКда жатат, ошондон бери эч кимге айып угузула элек", - деп билдирди бүгүн Бишкекте өткөн пресс-конференцияда мурдагы Баш прокурор Аида Салянова.
- Биз медиктердин корутундусу жана Батукаев Орусияда жашап жатканына байланыштуу кайра кылмыш иш ачканбыз, - деди Салянова.
Оор кылмыштар үчүн соттолгон Азиз Батукаев жакын арада өлүмгө дуушар кылуучу илдетке чалдыкты деген себеп менен түрмөдөн мөөнөтүнөн мурда бошонуп кеткен. Учурда ал Орусияда жашоодо. (KE/RK)